Corporate Governance

如果大家記得的話，在第一堂workshop裏面第一個discussion task 就是corporate governance. Workshop 入面 facilitator 應該有教大家響個case入面搵唔同嘅stakeholder. 這方面應該沒有太大難度。

重溫一下以下最常見嘅stakeholders type:
Directors
Directors 入面分為三種
1. Executive directors, 主要係set company's direction and monitor management 有冇確實執行公司嘅方針
2. Non executive directors, 入面會再分為independent (INED) 同non-independent (NED) 響Listing Rules入面有講點樣去分呢兩種，而HK Code亦都有講如果一個INED做多過九年的話就要再assess究竟佢係唔係independent.  佢哋嘅作用主要係響董事會度監察公司，冇實質執行嘅權力。

好多時INED會在被委任為remunerative committee, nomination committee等等嘅成員。

Shareholders
首先要睇清楚題目入面有冇講間公司係listed or private company, 佢哋嘅shareholders會有分別。
Listed com嘅會在細分為major/institutional shareholders 同埋minority shareholders. HK code 入面有講明公眾嘅持股量不可少於25%. 

唔同嘅shareholders 所要求嘅嘢都會有分別，例如有啲會look for steady dividend payout, 或者穩定增長。而依家越來越多股東會要求賣Corporate Social Responsibility, 即係對社會要有責任. 好多時會適用於公司嘅行業對於公眾有重大利益，例如電燈，煤氣行業等等。

Employee
通常來講employee嘅concern都會係穩定收入，工作security, 晉升潛力等等。

仲有其他種類例如customers, suppliers, bankers, government, competitors 等呢度唔詳述。

過往都有唔少年度有出過呢個topic 。例如最近2016年12月(section B, Q6)，有10分都係要求考生就住HK code入面對於Corporate Governance 要求進行分析:

Part (a) 攞分位，CLP section 3.2 有講。基本上有答'Comply or explain' 就會有分

Part (b) 呢part其實係想問間公司入面有咩good paratice, 最基本嘅例如係Board of Directors 有extensive experience in the industry, 有internal audit team, 職權分工( 唔同人擔任chairman同CEO) 等等。而佢哋有regular meetings 都代表有key business matters會即刻處理, 呢方面亦都係一個signal。

Part (c) 呢part相對較難, 要搵recommendations.
第一個攞分為一定係講board入面要有最少三分之一係INED. 我相信workshop入面都有講過呢個point。另外亦都要講成立返唔同嘅governing committee例如remuneration committee, nomination committee等等。響題目入面有講間公司入面有請third party做company secretary, 呢個都可以係一個弱點，始終唔夠一個in house team咁efficient. 不過老實講出面好多上市公司都係用third party, this is just FYI.

總括來講，呢類題目攞返容易過audit planning好多，要好好把握。